Дома Фудбал Во Барса се фаќаат за глава, изненадени се од понудата која стигна на полноќ – 100 милиони за резервист!?

Во Барса се фаќаат за глава, изненадени се од понудата која стигна на полноќ – 100 милиони за резервист!?

Барселона би можела во самиот финиш на летниот преоден рок да заработи сериозни пари бидејќи на адресата на клубот стигна понуда која никој не ја очекуваше.

Каталонскиот клуб ова лето не беше премногу активен на пазарот кога станува збор за засилувања, и гледаа да ги пополнат само тие позиции за кои Ханси Флик смета дека се најпотребни.

Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст


Веќе е познато дека тоа е најмногу поради проблемите со финансиите и фактот дека Барселона не може да ги регистрира играчите како што сака бидејќи не е во право 1:1 со FFP, и секое ново засилување бара заминување на некој од првотимците.

Сепак, на стартот на новата сезона Каталонците, чини се, успеаја некако да ги средат сите работи околу играчкиот состав, но во финишот на преодниот рок може да дојде до трансфер кој навистина никој не го очекуваше.

Последните денови младиот шпански играч од средината на теренот Фермин Лопез е главна тема во фудбалската јавност, бидејќи се зборува дека тој ја напушта Барселона, што навистина е големо изненадување.

Јасно е дека тој нема некоја значајна минутажа кај Флик, но изјавуваше дека е задоволен со статусот во тимот, и дека едноставно не се гледа на друго место освен во дресот на Барселона.

Меѓутоа, кога стигна малку посериозна понуда, изгледа дека Фермин се предомислил. Најпрво во приказната се включи Челзи кој преговара со Барса околу трансферот на Фермин, но тоа што го направи Њукасл синоќа е вистински шок.

Њукасл по секоја цена сака да го доведе Фермин на Сент Џејмс Парк и она што го понудија на Барса за овој играч од средината на теренот навистина не се одбива.

Медиумите во Шпанија и Англија зборуваат за понудата на Њукасл кој за Фермин нуди дури 100 милиони евра, што е значително повеќе од Челзи, и исто така младиот играч го примамуваат со неверојатна плата.

Фото: Принтскрин

Коментари
Прочитајте поврзани статии
Load More In Фудбал

Проверете

Џексон ќе ја наполни касата, Челси „растура“ со продажби ова лето

Николас Џексон би можел во текот на викендот да стане нов член на Баерн Минхен, а ова ќе б…