Луис Дијаз замина, но Ливерпул има нова „седмица“ (Видео)

Фудбалскиот клуб Ливерпул денес ќе ја промовира новата опрема која од ова лето ќе ја изработува германскиот добавувач Адидас.

По Њу Баланс и Најк, Ливерпул се враќа на моделот со „три линии“. Адидас ќе им плаќа на „црвените“ по 60.000.000 евра годишно, што претставува еден од најголемите технички договори во светот на фудбалот.

Пред самата промоција на дресовите, и по многуте трансфери кои се случија во клубот, Ливерпул ги објави и броевите кои ќе ги носат новите играчи на грбот.

Конкретно, Милош Керкез го доби број „шест“, Уго Екитике 22, Ѓорѓи Мамардашвили 25, Џереми Фримпонг 30, додека „седумката“ по заминувањето на Луис Дијаз ќе ја носи ни помалку ни повеќе туку Флоријан Вирц.

Премиерата на новите дресови ќе се случи веќе на 4 август против Атлетик Билбао во пријателски натпревар, а потоа екипата на Арне Слот ја очекува Комјунити шилд против Плас на 10-ти овој месец.

Почетокот на Премиер лигата за актуелниот шампион е закажан за 15 август.

Waking up to some squad numbers… 🤩 pic.twitter.com/Hbl1KSh2vh

— Liverpool FC (@LFC) August 1, 2025

Фотографија: Принтскрин