Вардар ги пушти билетите во продажба за дуелот против Лозана

Фудбалерите на Вардар го продолжуваат своето европско поглавје, а следниот предизвик доаѓа во четврток, на 24 јули, кога на националната арена „Тодор Проески“ ќе ја пречекаат екипата на Лозана.

Натпреварот од второто квалификациско коло на Конференциската лига ќе започне во 20:30 часот, а од денеска се пуштени во продажба и влезниците за овој дуел.

Билетите се достапни по цени од 100 и 300 денари, во зависност од позицијата на трибините, а сите навивачи се повикани да дојдат и да го поддржат Вардар во битката за следната рунда во Конференциската лига.

Билетите може да се купат на следниот ЛИНК. 

Фото: mktickets.mk