Четворица фудбалери сигурно заминуваат од Барселона, едно име е изненадување

Според информации од шпанската „Марка“, четворица играчи ќе ги напуштат редовите на Барселона ова лето, а едно име особено ќе ги изненади навивачите.

Барселона зад себе ја има импресивната сезона под водство на германскиот стратег Ханси Флик.

Во дебитантската сезона на клупата на Барселона Флик освои три трофеи – Суперкуп на Шпанија, Куп на Кралот и Ла Лига, додека единствено во Лигата на шампионите не успеаја, откако беа елиминирани од Интер во полуфиналето.

Амбициите на каталонскиот клуб секогаш биле на високо ниво, па така Барса следната сезона ќе се обиде да го подигне нивото на својата игра уште повеќе.

Се спомнува доаѓањето на Нико Вилијамс во Барселона и скоро е сигурно дека тој од следната сезона ќе биде дел од овој тим.

Сумата што Барса ќе треба да му ја плати на Атлетик Билбао за Вилијамс нема да биде мала, па поради тоа неколку играчи ќе мора да го напуштат каталонскиот клуб.

Според најавите клубот сигурно ќе го напуштат: Ансу Фати, Пабло Торе, Ориол Ромеу и дефанзивецот Кристенсен.