Ливерпул има понуда од 85 милиони евра од Саудиска Арабија

Луис Дијаз реши да го напушти Ливерпул по три и пол години, но неговиот трансфер нема да биде едноставен. 

Бројни доверливи извори денес потврдија дека Колумбиецот му соопштил на Ливерпул дека сака да замине, но проблем е обештетувањето кое Црвените го очекуваат.

Ливерпул го процени својот офанзивец на дури 85 милиони евра, но тоа сега е подготвен да го плати само Ал Наср! 

Клубот од Саудиска Арабија планира да го продаде Садио Мане, кој е на трансфер листата, а прва мета на Ал Наср е – Луис Дијаз.

Сепак, проблемот е што Колумбиецот моментално не размислува да ја напушти Европа и да се пресели во Саудиска Арабија, бидејќи неговиот сон е – Барселона!

Колумбиецот веќе извесно време е во контакт со Каталонците, свесен е дека Ханси Флик го гледа како идеално решение на позицијата на левото крило и на Ливерпул му порачал дека размислува само во насока на Барселона.

Проблем во оваа приказна е што Барселона нема намера да плати повеќе од 60 милиони евра за неговиот трансфер, што е дури 25 милиони помалку од тоа што го бара Ливерпул и колку што е подготвен да плати Ал Наср.

Фотографија: Grok AI