Овој податок е доказ: ПСЖ во Лигата на шампионите издоминира, речиси како и во Лига 1!

Едно ново издание на Лигата на шампионите заврши синоќа со финалниот натпревар во Минхен.

Трофејот за најдобар тим, како што веќе знаеме, го освои Пари Сен Жермен, откако го совлада Интер со резултат 5:0.

По финалето, обично следат индивидуалните признанија, оценките за кампањата, како и изборот на тимот на сезоната.

Тука се гледа доминацијата на тимот на Луис Енрике бидејќи дури седум негови играчи се избрани во најдобрите 11. Посебно се истакнуваат Алесандро Бастони (Интер), Деклан Рајс (Арсенал) и двојката на Барселона, Рафиња и Ламин Јамал.

Тимот на Парижаните во оваа селекција е претставен од: Џиџо Донарума, Нуно Мендеш, Маркињос, Ашраф Хакими, Витиња, Дезире Ду и Осман Дембеле.

Сето ова и покрај тоа што малку подзастанаа во групната фаза и едвај се пласираа во нокаут рундата.

Интересно е дека Пари Сен Жермен успеа да внесе само еден играч повеќе во тимот на сезоната од француското првенство. Таму е Жоао Невеш, додека Дезире Ду е изоставен во корист на Бредли Баркола. Исто така, таму го нема ниту Маркињос.