„Мурињо прави будали од сите нас, ја уништува екипата со ароганција и его“

Фенербахче во 32. коло од турското првенство го доживеа болниот пораз од најголемиот ривал Бешикташ со резултат 1:0, со што четири кола пред крајот на шампионатот практично испадна од трката за титулата.

Водечкиот Галатасарај сега има осум бода повеќе, а во клубот од Истанбул многумина веќе се помирија дека титулата нема да дојде во нивните витрини.

Главна мета на критиките овие денови е тренерот Жозе Мурињо, а меѓу најгласните беше поранешниот фудбалер на Реал, Фенербахче и Галатасарај, како и на репрезентацијата на Босна и Херцеговина.

„Тој прави будали од сите нас. Ги молам луѓето од клубот итно да го сменат. Мислам дека Мурињо повеќе не е добар тренер – всушност, дека е лош тренер. Тој ни се потсмева на сите и не можам повеќе да молчам. Повторно не изненади со поставата. Каде е логиката? Не можеш да ја уништуваш екипата со својот его и ароганција. Играчи немаат континуитет затоа што тој постојано нешто менува“, порача Елвир Баљиќ во своето остро обраќање.

Фото: Принтскрин