Жозе Мурињо интензивно размислува за начинот на кој би ја поставил екипата на Реал Мадрид, а една од поинтересните идеи се однесува на улогата на Трент Александер-Арнолд.
Според информациите од шпанското радио “La SER”, португалскиот стратег разгледува можност англискиот репрезентативец да го користи во средниот ред.
Мурињо наводно верува дека Александер-Арнолд со своите карактеристики може да и помогне на екипата да воспостави поголема контрола над натпреварите.
Англичанецот пристигна во Реал Мадрид како играч кој најголемиот дел од кариерата го поминал на позицијата десен бек, каде што со својот квалитет во дистрибуцијата на топката го изгради своето име меѓу најдобрите играчи во светот.
Сепак, средниот ред за него не е целосно непозната територија. Александер-Арнолд уште во периодот во Ливерпул повремено добиваше послободна улога и влегуваше во средината на теренот, исто како и во репрезентацијата.
Учество во игри на среќа е дозволено за лица со 18+ години. Играј одговорно!