Гвардиола за Гундоган: Не знам дали ќе остане…

Илкај Гундоган автоматски доби нов договор со Манчестер Сити, но Пеп Гвардиола не е сигурен дека Германецот ќе остане во клубот и следното лето.

Германецот минатото лето се врати од Барселона, по една сезона во Каталонија, потпиша договор 1+1, кој е автоматски продолжен заради исполнување на бројот на минути и натпревари.

“Гундоган сега дефинитивно има договор до летото 2026 година. Но, не знам што ќе се случи во текот на летото. Автоматски му беше продолжен договорот, но на крајот од сезоната ќе разговараме”, изјави Пеп Гвардиола.

Да потсетиме, Кевин Де Брујне сигурно го напушта “Етихад” на лето по истекот на договорот, а Гвардиола беше подготвен да се откаже и од повеќето од староседелците меѓу кои се споменуваше и Гундоган.