По последниот натпревар на Реал Мадрид, Килијан Мбапе изјави дека е исцрпен. Клубот се закани дека нема да излезе на терен ако нема 72 часа одмор помеѓу натпреварите. Нешто што е тешко остварливо, особено од почетокот на 2025 година, кога тимот досега одигра 22 натпревари за 74 дена.
Освен во Ла Лига, тимот се натпреварува и за Кралскиот куп и Лигата на шампионите… и претстои Светското клупско првенство во лето. До овој момент во сезоната „белите“ одиграа 48 натпревари, а можеби бројката ќе достигне 72 до крајот на кампањата, но сигурно нема да биде помала од 64. Ова е цената на успехот и победите во сите натпреварувања.
Совети од нутриционист: Вистината за исхраната! Што е најдобро за вашето здравје? ↓↓↓
Деновите за одмор се реткост
„Марка“ го анализира исцрпувачкиот календар со кој се соочува тимот на Карло Анчелоти во 2025 година и кој не покажува знаци на забавување. Реал Мадрид веќе одигра 22 натпревари во првите 74 дена на 2025 година – серија која заврши со победа над Виљареал како гостин во саботата во Ла Лига.
Годината започна со Суперкупот на Шпанија (каде тимот го загуби финалето од Барселона), натпревари за Кралскиот куп, завршетокот на групната фаза на Лигата на шампионите, следните плеј-оф дуели и осминафиналето. На крајот, во рамките на овие 22 натпревари, само во седум од нив тимот имаше повеќе од три дена за одмор. Во исто време, 41% од натпреварите во 2025 година беа одиграни со помалку од 72 часа разлика меѓу нив.
Учество во игри на среќа е дозволено за лица со 18+ години. Играј одговорно!