Ливерпул одеднаш се најде во неочекувани проблеми и лош период од сезоната.
„Црвените испаднаа“ од Лигата на шампионите веќе во осминафиналето, иако во групната фаза беше максимален и прв на табелата, а уште порано беше елиминиран од ФА купот од Плимут.
Учиме по најтешкиот пат: Со едукација за заштита и спасување до спречување на трагедии! ↓↓↓
Сега следи финалето на Лига купот, борба за првиот трофеј, а неделниот меч со Њукасл ќе го пропушти Трент Александар-Арнолд.
Тој се повреди во поразот од Пари Сен Жермен, а Пол Џојс денес потврди дека нема да се опорави навреме за финалето со Њукасл. Како што е повреден и Конор Бредли, тоа значи дека на десната страна, како и синоќа, ќе мора да игра Џарел Куанса.
Да потсетиме, Њукасл исто така е ослабен бидејќи поради црвениот картон нема да може да настапи Ентони Гордон, додека неодамна се повреди и левиот бек Луис Хол.
Натпреварот Ливерпул – Њукасл е на програмата во недела во 17.30 часот.
Учество во игри на среќа е дозволено за лица со 18+ години. Играј одговорно!