Нигерискиот напаѓач Виктор Осимен (26) ова лето би можел да се пресели во Манчестер Јунајтед, кој е подготвен за него да плати отштета од 75 милиони евра, објавија денеска англиските медиуми. Осимен минатото лето беше главна тема на преодниот рок. Откако одби да игра за Наполи, имаше многу шпекулации каде ќе ја продолжи кариерата, но на крајот заврши на позајмица во Галатасарај.
Оваа сезона во турското првенство и Лига Европа постигна 19 голови и оствари пет асистенции. На крајот од сезоната треба да се врати во Наполи, со кој има договор до јуни 2026 година. Но, малку е веројатно дека ќе остане во италијанскиот клуб. Јунајтед е подготвен да плати оштета од 75 милиони евра, колку што му е проценета вредноста на Трансфермаркт.
Данска vs. Македонија: Како тие се справуваат со отпадот, додека ние се расправаме кој е крив?
Осимен сака да ја продолжи кариерата во клуб кој ќе игра во Лигата на шампионите. Имајќи предвид дека манчестерскиот клуб е на 15-то место во Премиер лигата, на 15 бодови од четвртото место кое води во Лигата на шампионите, тешко ќе обезбеди учество во европско натпреварување.
Англиските медиуми додаваат дека Осимен бара годишна плата од 12,5 милиони евра. Ако му ја даде посакуваната сума, Јунајтед ќе го направи четвртиот најплатен фудбалер во клубот. Според Капологија, неофицијален извор за плати на фудбалери, Каземиро има 18,2 милиони евра годишно, втор е Бруно Фернандеш со 15,6 милиони евра, а трет е Мејсон Маунт со 13 милиони евра.
Учество во игри на среќа е дозволено за лица со 18+ години. Играј одговорно!