Рамос го покани Модриќ во својот нов клуб

Легендарниот шпански стопер Серхио Рамос пред четири дена потпиша договор со мексиканскиот клуб Монтереј, потврди клубот на своите социјални мрежи. За 38-годишниот стопер, ова ќе биде четврт клуб во кариерата по Севиља, Реал Мадрид и Пари Сен Жермен.

Рамос го прашаа на службеното претставување кого би сакал да види во Монтереј од сите поранешни соиграчи.

„Модриќ би бил врвно засилување за следната сезона”, рече Шпанецот, кој е голем пријател на Лука Модриќ.

Зад него стои мултинационалната компанија „ФЕМСА“ со годишни приходи од неколку милијарди долари. Рамос ќе заработува четири милиони евра по сезона во Мексико, заедно со бонуси. На Модриќ договорот со Реал истекува во јуни оваа година.