Рубен Аморим брутално искрен: Имаше офсајд, требаше да имаме ВАР за да ја промени одлуката

Вчера од 21:00 часот се играше натпреварот од третото коло на ФА Купот помеѓу Манчестер Јунајтед и Лестер, а Рубен Аморим по истиот застана пред новинарите.

Манчестер Јунајтед вчера победи со 2:1 по пресврт, во драматичен крај кога Мегваер постигна гол во 93. минута од натпреварот.

Повторената снимка покажа дека Англичанецот беше во голем офсајд, но бидејќи немаше ВАР, голот не се поништи и „Црвените ѓаволи“ продолжија натаму.

По натпреварот, тренерот на екипата од Манчестер застана пред новинарите и беше брутално искрен за целата ситуација.

„Голот беше чист офсајд. Требаше да имаме ВАР кој би ја променил одлуката. Ова беше многу тешко за Руд (тренерот на Лестер)“, изјави Аморим.