Симболите на теренот во натпреварот на ПСЖ станаа вирални, исчезнаа по почетокот на натпреварот (Фото)

ПСЖ победи на гостување кај Л Ман со 2:0 со голови на Дуè и Баркола во осмина финалето на купот, но главната тема од тој натпревар беа двете големи стрелки нацртани на центарот на теренот. Француската јавност ги забележа при изведување на почетниот удар, кога беа јасно видливи при преносот на централниот круг. Гледачите беа заинтригирани од овој феномен, но и од тоа што симболите исчезнаа како што натпреварот течеше.

Јас соработувам на натпреварот ПСЖ/Льо Ман со @energiedufoot за да зборуваме за операцијата #DemainFootballClub која има за цел да го црта централниот круг со 2 стрелки. Целта е да се вклучи францускиот фудбал во енергетска транзиција преку мотивирање на едноставни еколошки активности. pic.twitter.com/RIYf3hZYHZ

— Vinsky (Вински) (@viinsky360) 4 февруари, 2025

На социјалните мрежи се поставуваа прашања за што станува збор, а прв објаснувањето го даде фудбалскиот инфлуенсер Вински: “На натпреварот Лe Ман-ПСЖ соработуваl со агенцијата Енержи ду фут по повод операцијата #DemainFootballClub. Нејзината цел е да го вклучи францускиот фудбал во енергетска транзиција мотивирајќи едноставни еколошки акции.

Наскоро се огласи и Фудбалската федерација на Франција: “Овој уникатен програм има за цел да ја подигне свеста меѓу аматерските клубови, играчите, љубителите на фудбалот и пошироката јавност за еколошките предизвици на енергетската транзиција, давајќи им клучеви за преземање конкретни акции.”