На Аморим му е доста! Тргнува по нов голман и тоа во редовите на големиот ривал

Манчестер Јунајтед размислува за доведување на нови засилувања, а едно од имињата кои го привлекоа вниманието на клубот е Илан Месли, голманот на Лидс.

Овој потег може да ги изненади навивачите на двата клуба, со оглед на тоа што Лидс е еден од традиционалните ривали на Јунајтед.

Месли, 24-годишниот Французин, веќе некое време го привлекува интересот на голманскиот скаут на Јунајтед, Тони Котон, кој во него гледа долгорочно решение за актуелните проблеми на позицијата. Иако неговата форма падна откако Лидс испадна од Премиер лигата, Котон редовно ги следи неговите игри и верува во неговиот потенцијал.

Во моментов Андре Онана е под голем притисок поради неодамнешните грешки кои скапо го чинеа Јунајтед. Новиот менаџер Рубен Аморим е свесен за предизвиците и е отворен за промени, иако клучните трансфер одлуки би можеле да почекаат до летото.

Аморим, кој го презеде клубот по отказот на Ерик тен Хаг, се потруди да го стабилизира тимот.

„Мораме да работиме на ова и да разбереме дека овие ситуации може да се случат. Нашиот фокус е на долгорочен напредок“.