Реал ја расплака легендата на Севиља: „Вакво нешто да ти приредат вашите ривали…“

ХЕСУС НАВАС (39), легендата на Севиља и шпанскиот фудбал, стави крај на својата спектакуларна кариера.

Настапот на десното крило во поразот од Реал (4:2) во 18. коло од Ла Лига беше 704. и последен за матичниот клуб. Навас во Севиља помина вкупно 19 години.

Во тој клуб беше од 2001 до 2013 година, кога за 20 милиони евра замина во Манчестер Сити, а по враќањето од Англија во 2017 година остана до сега.

Навас за Севиља, за која постигна 39 и асистираше 119 гола, четири пати го освои Купот на УЕФА/Лигата на Европа и два пати Кралскиот куп.

За Шпанија одигра 56 натпревари со 5 гола и 11 асистенции. Со репрезентацијата го освои Светското првенство во 2010 година и ЕП во 2012 и 2024 година.

Фудбалерите на Реал пред натпреварот направија шпалир на тревникот на Бернабеу во чест на великанот и му аплаудираа кога тој минуваше низ него. Ова беше пропратено со аплауз од публиката на стадионот на Реал.

Qué momento espectacular en el Bernabeu. Los futbolistas del Real Madrid le hacen pasillo a Jesús Navas.

El Bernabeu aplaude de pie. Y al final, Modric le regala una camiseta firmada por todos sus compañeros.

Honor a quien honor merece.

pic.twitter.com/C8UGQIQeow

— Juez Central (@Juezcentral) December 22, 2024

По сите овие почести на стадионот на неговиот голем ривал, Навас со емотивна изјава пред камерите.

“Ова беше спектакл. Никогаш не сум видел вакво нешто да му се прави на играч на противничкиот стадион. Ова е лудост…” – рече Навас и почна да плаче. „Во последните неколку минути од натпреварот не можев да видам ништо. Само погледнав во теренот и се сетив на сите моменти што ги живеев, радоста што ја донесов на мојата Севиља и на мојата репрезентација. Направив многу луѓе среќни и мислам дека тоа е нешто уникатно“.