ПСЖ донел одлука: Коло Муани може да биде јануарската „бомба“!

Французинот на излезните врати од „Паркот на принцовите“.

Рандал Коло Муани е дефинитивно отфрлен кај Луис Енрике.

Како што пренесуваат многу извори, Французинот е на мета на многу клубови, а моментално во редот се – Јувентус, Арсенал и наводно дури и Манчестер Јунајтед. 

Сепак, проблемот во преговорите со Пари Сен Жермен е што го преплатија Муани 90 милиони евра, со огромни 12 милиони годишно. 

Затоа, позајмица во јануарскиот преоден рок е најреалната опција за сите заинтересирани клубови.

Јасно е дека Душан Влаховиќ не може сам да го води Јуве на сите три фронтови, а исто така е јасно дека Микел Артета не може баш да се потпре на Габриел Жезус и покрај хет-трикот во победата против Кристал Палас во Лига купот. 

Манчестер Јунајтед како трета опција може да биде реален само доколку Џошуа Зиркзе си замине во јануари. Холанѓанецот е ценет во Италија, исто така се споменува дека би го сакал Тијаго Мота, бидејќи се познаваат од Болоња.

Сето тоа заедно укажува дека Муани ќе го напушти францускиот клуб, само е прашање дали ќе оди во Италија или Англија…