Јунајтед и трет натпревар без победа во Лига Европа

Фенербахче и Манчестер Јунајтед одиграа 1:1 во Истанбул во Европската лига. „Црвените ѓаволи“ не забележаа победа во Лига Европа ниту во третиот обид. По ремито против Твенте и Порто бод освои и против Фенербахче играјќи 1:1.

Јунајтед поведе во 15. минута со голот на Кристијан Ериксен, но турскиот тим израмни во 49. минута со голот на Јусеф Ен-Несири.

Во 59. минута домашните побараа пенал по еден дуел на Угарте со Осаи-Самуел, но францускиот судија Турпин не покажа на белата точка, туку поради приговори го исклучи Жозе Мурињо на клупата на Фенер.