Барселона му ја даде десетката на Меси. Сега го исфрла од клубот

Челниците на Барселона му порачаа на Ансу Фати (21) дека мора да го напушти клубот ова лето, објави Спорт. Како што пренесуваат шпанските медиуми, на Фати му било кажано дека тренерот Ханси Флик повеќе не смета на него и дека ќе мора да бара нов клуб бидејќи е прескап за Барселона да седи на клупата.

Барселона сака да го продаде, но опција е и позајмица, под услов клубот кој го зема на позајмица да му покрие и плата од 14 милиони евра годишно. Тој се споменува во контекст на трансфер во бројни шпански клубови, но интерес има и од Турција. Марка пишува дека Мурињо лично стапил во контакт со клубот и се распрашал за условите за негово доведување во Фенербахче.

Фати, кој сега има 21 година, кој игра на позицијата лево крило и е корисен и во средниот ред и во нападот, не така одамна го нарекуваа „новиот Меси“.

Трансфермаркт пред три години го вреднуваше на 80 милиони евра, а денес по бројните повреди вреди 25 милиони. Минатата сезона одигра 19 првенствени натпревари како позајмен во Брајтон, но во просек имаше само 27 минути. Тој е под договор со Барселона до летото 2027 година.