УЕФА ги избра домаќините на европските првенства во 2028 и 2032 година

УЕФА денес официјално ги одреди домаќините за европските првенства во 2028 и 2032 година.

Идната година Европското првенство ќе се одржи во Германија, а четири години подоцна домаќини ќе бидат Велика Британија и Република Ирска. Најавите се дека ЕП 2028 ќе биде отворено на стадионот на Кардиф, додека финалеот ќе се игра на „Вембли“ во Лондон.

Интересно што помеѓу стадионите кои се домаќини го нема домот на Манчестер Јунајтед, „Олд Трафорд“.

Европското првенство во 2032 година исто така ќе се одржи во две земји, Турција и Италија. Двете земји првично подготвуваа одвоени кандидатури, но на крајот се одлучија за заедничка организација.