Манчестер Јунајтед го претстави засилувањето од 85 милиони евра

Една ипол добра сезона беше доволна Расумс Хојлунд да достигне цена од скоро 90 милиони евра.

На шест дена пред почетокот на сезоната, Манчестер Јунајтед го претстави засилување во нападот од италијанска Аталанта. Хојлунд со гигантот од Манчестер потпиша договор до јуни 2028 година, а Аталанта ќе инкасира 85 милиони евра.

Посебно внимание Хојлунд привлече со настапите за репрезентацијата на Данска за која минатата и оваа година на шест натпревари постигна исто толку гола.

Добрите настапи го препорачаа во екипата од Бергамо која на Штурм му исплати 17 милиони евра, претходно го носеше дресот на Копенхаген.

Хојлунд во тимот на Тен Хаг би требало да го пополни местото во нападот каде што засега нема преголема конкуренција, доколку некој не биде доведен. Со оглед дека има 20 години, ако се прилагоди на фудбалот во Англија Јунајтед можеби добива засилување за долги патеки.

Rasmus Hojlund is a RED! ✍️🔴#MUFC

— Manchester United (@ManUtd) August 5, 2023