Францускиот тенисер Уго Гастон ја доби најголемата казна во историјата на тенисот откако Асоцијацијата на тениски прогесионалци го казни со 144.000 евра.
Гастон казната ја заработи поради неспортското однесување во мечот против Борна Чориќ на Мастерсот во Мадрид. Французинот беше обвинет дека намерно го пуштил второто топче на терен за време на поен кој му беше загубен против Чориќ, па така го примора судијата го повтори поенот.
Учиме по најтешкиот пат: Со едукација за заштита и спасување до спречување на трагедии! ↓↓↓
„Во согласност со новите правила на АТП казните за неспортско однесување се зголемуваат за 100% за секој следен прекршок. За Гастон ова беше четврта казна и затоа износот е огромен“, објаснија од АТП.
Сепак, постои можност со жалба казната да му се намали на половина, под услов да не повтори вакво нешто во наредните 12 месеци. Во овој момент Гастон е 108. тенисер во светот.
Учество во игри на среќа е дозволено за лица со 18+ години. Играј одговорно!