Мурињо ја спасува кариерата на Лукаку

Иднината на Ромелу Лукаку е главна тема откако Интер потврди дека нема да го откупи неговиот договор на крајот на сезоната.

Лукаку ќе се врати во Челзи на крајот на позајмицата, а јасно е дека за него нема повеќе место на „Стенфорд Бриџ“.

Интерес за 29-годишниот напаѓач покажува Рома, која во него гледа идеална замена за Абрахам.

Абрахам не е задоволен како се развива оваа сезона за него и сака да се врати во Премиер лигата, па Рома почна да бара замена.

„Волчицата“ ќе се обиде да го доведе на позајмица со право на откуп, а Мурињо наводно е спремен да му вети место во стартниот тим и можност Белгиецот да ја „оживее“ кариерата.