Aлегри суспендиран за натпреварот против Рома

Tренерот на Јувентус, Масимилијано Алегри нема да го води својот тим против Рома.

Алегри доби суспензија од Спортскиот суд поради навреди кон судијата во натпреварот против Наполи. Јувентус тој натпревар го заврши со 1:1, а Алегри беше вознемирен поради таквиот развој на случувањата.

Покрај тоа што нема да го води тимот против Рома кој има голема важност во борбата за место кое води во Лигата на шампионите (двете екипи ги делат само три бода) Алегри е казнет и со 10.000 евра.

Мурињо исто така имаше приговор за судењето на натпреварот кој неговиот тим го играше со Милан, но тој ќе биде на клупата.