Без Меси Барселона не може да ги продаде билетите

Барселона важеше за голема атракција, како за туристите, така и за навивачите, но изгледа дека работите се менуваат откако го нема Меси.

Веќе добро познати се финансиските проблеми во кои се наоѓаат Каталонците, а тие можат да бидат и поголеми затоа што клубот не може да ги распродаде и натпреварите кои се со ограничен капацитет на публика.

За дербито со Баерн во Лигата на шампионите Барселона во продажба пушти 40.000 билети, а досега се продаде нешто повеќе од 31.000. Вакво нешто во блиското минато беше незамисливо.

Очигледно дека и ова е еден од несаканите ефекти што Меси го нема повеќе.