Нејмар: Сакам финале со Аргентина, а таму нормално дека Бразил ќе победи

Бразилската ѕвезда Нејмар игра во одлична форма на Копа Америка, тој беше и асистент во полуфиналето против Перу во победата на Бразил од 1:0, голот го постигна Пакета.

Во финалето Бразил ќе игра против подобриот дуел од вечерашната пресметка помеѓу Колумбија и Аргентина. Нејмар посакува финале против Аргентина.

„Сакам финале со Аргентина и ќе навивам за нив во поуфиналето. Имам многу пријатели таму, сепак ако играат против нас во финалето нормално дека Бразич ќе победи“, порача Нејмар.

Од аргентинската репрезентација Нејмар е соиграч во ПСЖ со Паредес и Ди Марија, а добро познато е и неговото пријателство со Меси.