Бекам го отпушти тренерот на Интер Мајами, ја доведува легендата на Јунајтед?

Aмериканскиот фудбалски прволигаш Интер Мајами, чиј сопственик е Дејвид Бекам го отпушти уругвајскиот стратег Диего Алонсо (45).

Мајами во својата прва сезона во МЛС заврши на 10. место на источната конференција и не успеа да се пласира во плеј-офот.

„Беше ова тешка година и многу тешка одлука за сите, но веруваме дека е правилен чекор за нашиот клуб. Нашите очекувања се големи“, изјави Жорге Мас, еден од соработниците на Бекам.

Британските медиуми шпекулираат дека најголем фаворит за клупата на Интер Мајами е легендарниот Фил Невил кој во овој момент е селектор на женската репрезентација на Англија.

Невил веќе најави дека ќе ја напушти репрезентацијата во јули кога му завршува договорот.