„Никој нема шанси со Германија, повеќе ме плашат Македонците отколку Исланд“

Неодамна Македонија ги доби противниците во квалификациите за Светското првенство Катар 2022 година.

Во нашата група Германија е фаворитот кој се издвојува и никој не очекува дека може да и се спротистави барем според изјавите во медиумите. За втората позиција се очекува да се бориме ние со Исланд и Романија.

Романскиот стратег Мариуш Сумудица кој е тренер на Газиантеп зборуваше за ситуацијата во групата.

„Очекувам да се бориме за второто место со Исланд и Македонија. Со Германија немаме шанси. Македонија е силна и неодамна се пласираше на ЕП, искрено повеќе ме плашат Македонците отколку Исланд“.

„Мое мислење е дека Исланд ќе падне затоа што им доаѓа смена на генерации. Стилот на игра кој го имаат им е прочитан. Во Македонија има голем глад за докажување на најголема сцена“, изјави романскиот тренер.