Барса носи три засилувања до крајот на преодниот рок

Роналд Куман посакува три засилувања во Барселона до крајот на преодниот рок, пренесуваат каталонските медиуми.

Холандскиот стратег ќе игра со формација 4-2-3-1, се ослободи од Нелсон Семедо, а на десната бековска позиција ќе игра Сержи Роберто. Во одбраната се враќа Тобидо, кој ќе добива поголема минутажа оваа сезона.

Куман бара од раководството да му бидат донесени три засилувања до крајот на преодниот рок. Треба да пристигне Ерик Гарсија од Манчестер Сити, како и еден лев бек.

Третото засилување треба да пристигне во нападот. Лаутаро сигурно не доаѓа, а Куман инсистира да биде донесен Мемфис Депај, кој може да игра на повеќе позиции во нападот.