Од Вимблдон елиминирана првата тенисерка во светот!

Ешли Барти, првата тенисерка во светот го заврши својот настап на овогодинешното издание на Вимблдон.

Барти после голема борба е поразена од Алисон Риске. Американката славеше со 2:1 во сетови (3:6, 6:2, 6:3).

Три сета се играа и на мечот Шенуиа Жанк – Дајна Јестремска, славеше кинеската тенисерка со 2:1 (6:4, 1:6, 6:2).

Возбудлив беше и дуелот помеѓу Барбо Страјкова и Елис Мертенс. Чешката тенисерка после нешто повеќе од два часа тенис славеше со 2:1 (4:6, 7:5, 6:2).

Од третиот Грен слем оваа сезона се прости и хрватската тенисерка Петра Мартиќ. Таа со 2:0 (6:4, 6:2) изгуби од Елина Свитолина.