Меси откри кој е неговиот најголем критичар

Лионел Меси оваа сезона одново игра на високо ниво и од коло до коло ја води Барселона поблиску до титулата во Примера.

Аргентинецот имаше обраќање пред реваншот во Копа дел Реј и ги повика фановите на Барселона да ги поддржат во обидот да ја надополнат негативата од првиот натпревар.

Меси често пати добива критики од спортската јавност доколку одигра под своето ниво, а сега откри дека неговиот најстар син Тиаго започнал да разбира некои работи во фудбалот

„Тиаго веќе ги разбира работите. Во тек е со сите случувања, дури и добивам некои критики од него. Ја следи Барселона, Ла Лига и Лигата на шампионите. Ме оценува после натпреварите и можам да кажам дека прераснува во мој најголем критичар“, изјави Меси.

Севиља во првиот натпревар ја победи Барселона со 2:0.