Шоу на Тричко: Постигна хет-трик и влезе во историјата на АЕК!

Иван Тричковски одигра фантастичен натпревар во дресот на АЕК Ларанка и постигна три гола во победата од 5:0.

Македонскиот напаѓач беше супер расположен и доби најдобра оценка од сите фудбалери на теренот.

Тричко првиот погодок го постигна во 22-та минута, потоа погоди на пет минути пред крајот на првиот дел, за хет-трикот да го комплетира во 77-та минута.

Со овие три гола Тричковски влезе во историјата на АЕК како најдобар стрелец за овој тим во кипаскиот шампионот. Тој има 36 постигнати гола и го мина на листата Жоан Томас кој на своето конто имаше 35 постигнати погодоци.

Сепак, на Томас за вакво му беа потребни 158 натпревари, додека Тричковски до ваквиот учнок стигна за само 81 настап.