Легендата на Арсенал за Дембеле: Би го избрал пред Нејмар, таков потенцијал се уште не сум видел

Иако имаше проблеми со дисциплината Осман Дембеле оваа сезона покажа дека Барселона и тоа како може да смета на него.

Каталонците пред една година платија скоро 140 милиони евра за овој играч, а Дембеле започна да прикажува резултати на теренот. Сепак, дисциплината е не што на кое ќе мора да поработи бидејќи често доцни на тренинзите.

Дембеле во Барселона пристигна како замена за Нејмар кој направи трансфер во ПСЖ.

Интересна изјава сега даде поранешниот играч на Арсенал, Роберт Пирес кој порача дека секогаш во својот тим би го избрал Дембеле пред Нејмар.

„Секогаш зборуваме за Меси, но ова момче е навистина одличен играч. Млад и прави некои работи во склад со неговите години. Доколку се посвети на кариерата сигурен сум дека далеку ќе стигне. Против Еспањол и Тотенхем покажа дека има голем потенцијал. Доколку би морал да бирам, би го избрал пред Нејмар. Има 21 година, игра со двете нози и е страшно брз. Таков потенцијал се уште не сум видел“, изјави Пирес.

https://www.youtube.com/watch?v=TuNAErXYWVo