Ќака повторно во Шкендија: Се вратив повторно да станеме шампиони

27-годишникот играч за врска Камер Ќака се врати во Шкендија и потпиша двегодишен договор со клубот од Тетово.

Ќака ја напушти Шкендија пред една година и се пресели во Унгарија во тимот, Мезокуважд Жури. Сега се враќа назад.

„Среќен сум што се враќам во клубот каде што играв претходно. Шкендија и Балистите оставија многу позитивен впечаток врз мене. Во 2021 година станавме шампиони, а сега дојдов за да го повториме тој успех.

Го познавам добро клубот и ги знам амбициите. Се враќам со голем ентузијазам“, изјави Ќака.