Јувентус и ПСЖ спремаат трампа

Францускиот репрезентативец Коло Муани сака да го напушти ПСЖ во зимскиот преоден рок, па веќе започна битката за неговиот потпис.

Повеќе не е во плановите на Луис Енрике, па ПСЖ е спремен да го пушти на позајмица во јануари.

Неколку европски гиганти се заинтересирани за Французинот, но најсилен интерес покажува Јувентус.

Коло Муани е приоритет за „старата дама“, па италијанските медиуми пренесуваат дека двата клуба може да направат трампа.

Имено, Јувентус е спремен да го испрати Влаховиќ во Париз, а како замена да го добие потписот на Французинот.