Јувентус го допре дното, прва победа за Монца во историјата🎥

Јувентус продолжи со серијата на лоши резултати и претрпе срамен пораз на гостувањето кај Монца (1:0).

Монца така ја запиша својата прва победа во историјата на Серија А и тоа токму против најтрофејниот италијански клуб.

„Бјанконерите“ уште еднаш покажаа дека се во многу лоша форма и од самиот старт играа анемично, а работите станаа уште потешки кога Ди Марија во 44-та минута доби директен црвен картон.

Монца во второто полувреме со играч повеќе играше храбро и стигна до историска победа, а стрелец на голот беше Гиткјер во 74-та минута.