Јирген Клоп подготви ГОЛЕМА промена во составот која нема да им се допадне на навивачите на Ливерпул

Фудбалерите на Ливерпул денеска на домашен терен играат против Саутемптон во натпревар од шестото коло на англиската Премиер лига.

„Црвените“ одлично ја започнаа новата сезона со пет победи и низата сакаат да ја продолжат денеска против Саутемптон. Единствен проблем на почетокот на сезоната за Јирген Клоп претставува фактот дека Салах не е во најдобра форма.

Англиските медиуми пренесуваат дека постои голема шанса Египѓанецот денеска да остане на клупата. Наводно, германскиот стратег сериозно размислува за тоа по прв пат во сезоанта да му даде шанса на Шаќири кој пристигна како засилување од Стоук.

Салах минатата сезона блескаше и заслужено беше избран за најдобар играч во Англија. Меѓутоа, на почетокот на оваа сезона има доста проблеми со реализацијата, а се шпекулира за тоа дека не е во најдобри односи со Садио Мане.

Клоп на вчерашната пресконференција застана во одбрана на Салах и еднсотавно рече дека Египќанецот и понатаму е еден од најважните играчи на неговиот тим. Германецот додаде дека е тешко да се очекува дека Салах ќе ја повтори минатата сезона, но дека во Ливерпул се свесни поради тоа.