Чави: Барселона е домот на Меси

Се погласни се шпекулациите за евентуално враќање на Лионел Меси во Барселона на крајот на сезоната.

Меси ќе биде слободен агент на лето, а една од опциите е враќање на „Камп Ноу“.

На оваа тема коментар даде и актуелниот тренер на Барселона, Чави, кој е голем пријател со Лео.

„Меси знае дека Барселона е негов дом и вратите се отворени, тоа сум го кажал многу пати. Тој ми е пријател, ние сме во постојан контакт, потенцијално враќање ќе зависи само од него. Лео е најдобриот фудбалер во историјата, тој секогаш би се вклопил во составот“, изјави Чави.