Црвена Звезда ја запиша деветтата во низа победа во АБА лигата, Антиќ со скромен учинок (ВИДЕО)

Црвена Звезда славеше пред својата публика против Олимпија со 80:76, во рамки на АБА лигата.

Ова е деветти натпревар без пораз за црвено-белите, а нашиот интернационалец, Перо Антиќ по 18 минати минути на паркетот запиша само два погодоци.

Втората четвртина го разбуди белградскиот тим, кој на пауза успеа да замине со три поени позитива, односно 40:37.

Во второто полувреме се играше со ист интензитет, Звезда го зголемуваше водството се до последната четвртина, кога Олимпија успеа да ја анулира предноста, иако не во целост. На крајот сепак 80:76 за домашните.

Во таборот на црвено-белите најефикасен беше Рочести со постигнати 16 поени, додека на спротивната страна се издвоија Шпан и Морган со 15 постигнати поени.