Херојот на Аргентина: Голот е за моето семејство, овој тим заслужува се!

Аргентина вечерва ја победи Нигерија и обезнеди пласман во 1/8 финалето каде што ќе игра против Франција, а херој на „Гаучосите“ беше, Маркус Рохо.

„Гаучосите“ имаа неповолен резултат се до 86 минута, а тогаш се појави Маркус Рохо кој погоди со волеј удар и ја одведе Аргентина во 1/8 финалето.

После натпреварот очекувано херојот на Аргентинците блескаше од среќа.

„После поразот од Хрватска бевме соединети повеќе од било кога. Што да кажам, пресреќен сум поради овој погодок. Голот е за моето семејство и овој тим е тим кој заслужува се. Вамос Аргентина“, порача Рохо.