ФОТО: Видал на Инстаграм објави контроверзна објава која веднаш ја избриша

Фудбалерите на Барселона синоќа ремизираа на гостувањето против Валенсија (1:1) во дербито на осмото коло од Ла Лига.

Каталонскиот клуб се наоѓа во голема резултатска криза во домашното првенство, бидејќи ова за нив беше четврти натпревар без победа во низа. Некои играчи на Барса не се задоволни од својата минутажа, а пред сите е Артуро Видал.

Чилеанецот по натпреварот со Тотенхем јасно изјави дека му е жал што не играше, а очигледно е дека Валверде сака да го казни за тоа, бидејќи и синоќа остана на клупата. Сепак, Видал е познат по тоа дека нема влакна на јазикот, па и овој пат се огласи на Инстаграм.

„Не се бори со предавниците, пушти ги сами да се обесат“, напиша Видал, но потоа многу брзо ја избриша оваа контроверзна објава.