ФИФА најави Светско првенство за клубови на секои четири години!

ФИФА прави големи напори од Светското првенство за клубови да направи елитно и престижно натпреварување.

Советникот на претседателот на ФИФА, Џани Инфантино, легендарниот Звонимир Бобан, најави реформи и формирање на сосема поинакво Светското клупско првенство.

„Ова никого не го задоволува. Како Купот на конфедерации, време е да се ослободиме од турнирот, кој не е на нивото на ФИФА и да создадеме Светско клупско првенство, кое ќе се игра на секои четири години“, изјави Бобан.

Бобан најави дека во новото натпреварување ќе учествуваат 12 европски и 12 клубови од останатите континенти, што навистина би било своевиден спектакл.