Финалето во Лига Европа со 9.500 гледачи

УЕФА објави дека се пуштени во продажба 9.500 билети за финалето во Лига Европа, кое треба да се игра на 26 мај во Гдањск.

УЕФА објави дека полската власт им дозволила капацитетот на Гдањск да биде исполнет до 25% од 40.000 места за мечот кој ќе се одигра во среда на 26 мај.

На натпреварот ќе може да присуствуваат и навивачи кои не живеат во Полска, а секој од клубовите финалисти ќе добие на располагање по 2.000 влезници, од кои 2.000 ќе бидат пуштени во продажба за локалното население, а останатите 3.500 ќе бидат распоредени за останатите.

„Гледачите кои ќе дојдат од странство ќе мора да ги почитуваат ограничувањата и барањата кои се на сила на полска територија во време на играњето на финалето затоа што за нив нема да има исклучоци“, посочија од УЕФА.