ФИА го казни Алонсо: Остана без бодови oд трката во САД

Љубителите на Формула 1 и синоќа уживаа во одлична трка во Остин за Големата награда на САД, која на крајот му припадна на Макс Ферстапен, но неверојатен на патеката беше и искусниот Фернандо Алонсо.

Ферстапен неколку круга пред крајот на трката го престигна лутиот ривал Луис Хамилтон и ја потврди доминацијата на Ред Бул оваа сезона со тоа што ја добија и шампионската титула во конструктори.

Сепак, во центар на внимание беше и судирот на Алонсо кој буквално полета во воздух со болидот по судирот со Ленс Строл, но успеа да стигне до боксот и да ги замени оштетените делови, по што заврши во топ-10.

Во еден момент од трката му се откачи и ретровизорот, а тоа ФИА го опиша како возење во небезбедни услови и го казни со 30 секунди, по што Алонсо падна дури до 15. позиција.

BREAKING: Fernando Alonso has received a 30-second penalty as his car was sent back on track in an unsafe condition

He drops down to P15, with Vettel (P7), Magnussen (P8), Tsunoda (P9) and Ocon (P10) all moving up in the points#USGP #F1 pic.twitter.com/zW9cC89Nwj

— Formula 1 (@F1) October 24, 2022