Фудбалската сезона во Европа влезе во втората половина. Како за победите и трофеите фудбалерите ќе се борат и за индивидуалните награди, а тука пред се е Златната копачка.
Во овој момент е лидер Чиро Имобиле, но со трансферот во Германија, Ерлинг Халанд направи голем напредок. Имобиле со вчерашните два гола во овој момент е на бројката од 25 голови. Секој гол во топ 5 првенства се смета со два коефиециент, па напаѓачот на Лацио има 50 бодови.
Од неколку парчиња пелени до успешен бизнис - Приказната за Балон Твистер ↓↓↓
Зад Имобиле се Роберт Левандовски и Тимо Вернер од Бундес лигата. Напаѓачот на Баерн со 22 гола и 44 бода е втор, додека голгетерот на Лајпциг има два гола помалку, односно четири бода.
Четврти на листата е Кристиано Роналдо. Португалецот во лигашките натпревари за Јувентус до сега постигна 19 голови и има 38 бодови.
Халанд сега се наоѓа на петтата позиција со 38 бодови и 23 гола. Во Салзбург Норвежанецот постигна 16 голови и тоа му донесе 24 бода (головите во австриската лига се сметаат со 1.5 бод), а преостанатите 14 бодови ги освои дресот на Борусија каде што на три натпревари постигна седум гола.
Минатогодишниот добитник на Златната копачка, Лионел Меси со 14 гола и 28 бода е далеку од врвот. Во овој момент тој е на 10. позиција.
Учество во игри на среќа е дозволено за лица со 18+ години. Играј одговорно!