Трансфер „бомба“: Ѕвездата на Јувентус се сели во Ливерпул!?

Како што јавува познатиот светски новинар Фабрицио Романо, Ливерпул ќе се вклучи во трката за потписот на Федерико Киеза.

По доаѓањето на Тиаго Мота на кормилото на Јувентус, Киеза стана непожелен фудбалер во ростерот на „старата дама“.

Неколку премиерлигашки тимови имаат интерес за Киеза, но Ливерпул е првиот клуб што испраќа официјална понуда за Италијанецот.

До сега Ливерпул не потпиша ниту еден фудбалер овој преоден рок, па трансферот на Киеза ќе биде убаво освежување за тимот предводен од Арне Слот.