Тотенхем се „распаѓа“, Покетино јавно ги обвини фудбалерите!

После третиот пораз во низа Тотенхем скоро и да испадна од трката за титулата во Премиер лигата.

„Петлите“ во вчерашниот натпревар против Лестер беа поразени со 2:1 и веќе заостануваат 13 бодови зад лидерот Манчестер Сити кој има и натпревар помалку.

Маурисио Покетино по поразот одговорноста ја префрли на фудбалерите.

„Aко не се бориш, ќе изгубиш, одигравме навистина слабо“, беше описот на Покетино за играта на неговиот тим.

„Многу зборувавме за подобар почеток на натпреварот бидејќи во неделата рано примивме погодок против ВБА. Беа агресивни во првото полувреме, навистина разочаравме многумина. Не е во прашање тактиката, системот или изборот првиот тим. Колективниот учинок беше сиромашен“, изјави Покетино.