Таткото на Јамал се огласи на Инстаграм откако беше избоден со нож

Шпанските медиуми објавија дека е избоден Мунир Насрауи (32), татко на Ламине Јамал (17), ѕвездата на Барселона и неодамнешен победник на Европското првенство со Шпанија. Насрауи бил избоден со нож на паркинг во шпанскиот град Матаро.

Полицијата го презела случајот и успеала да лоцира неколку сведоци на инцидентот. Засега е јасно само дека Насрауи учествувал во тепачка на улица непосредно пред да биде избоден, а познат е идентитетот на тројцата напаѓачи.

Полицијата ги уапсила, а шпанските медиуми пишуваат дека за нападот е осомничено уште едно лице и се уште се трага.

Tаткото на Јамал сега се огласи на Инстаграм. „Благодарам на сите за охрабрувањето, сега сум подобар. Големи прегратки до сите“, објави тој.