Струга ги доби можните противници во потенцијалниот плеј-оф во Конференциската лига

Тимот на Струга на 10-ти август го чека првиот меч од двомечот во третото квалификациско коло против Есперанж од Луксембург, а денес познато е против кого може да игра македонскиот шампион, ако се пласира во плеј-офот од Конференциската лига.

Ако Струга излезе како победник против Есперанж, ќе оди на Зрински (БиХ) или Бреидаблик (Исланд) во плеј-офот кој е последната пречка за влез во групната фаза. Натпреварите од плеј-офот се играат на 24-ти и 31-ви август.

Сепак, во Струга сигурно прво мислат на двомечот со Есперанж кој за три дена ќе гостува во Скопје, а на 17-ти македонскиот шампион патува за Луксмебург. Домашниот натпревар Струга ќе го игра на терените на ФФМ и влезниците се пуштени во продажба по цена од 300 денари.